Jambylda 2 jasar qyz qudyqqa túsip, mert boldy
TARAZ. QazAqparat - Qaıǵyly oqıǵa Merke aýdanynda bolǵan, dep habarlaıdy «QazAqparat» HAA tilshisi oblystyq TJD baspasóz qyzmetine silteme jasap.
«26 qyrkúıek kúni kúndiz Merke aýdany Sýrat aýylynda jeke úıdiń aýlasyndaǵy qudyqqa eki jasar qyz qulap, batyp ketken. Onyń denesin ata-anasy tapqan. Búldirshin úlkenderdiń qaraýsyz qalý saldarynan mert bolǵan», - dep túsindirdi vedomstvo ókilderi.
Oqıǵaǵa qatysty tergeý amaldary júrgizilip jatyr.
Oblystyq TJ departamenti atap ótkendeı, sońǵy kezde qaraýsyz qalǵan balalarmen bolǵan qaıǵyly jaǵdaılar sany artqan. Tek bıylǵy shilde aıynda Taraz qalasynda kópqabatty turǵyn úıdiń terezesinenen kishkentaı sábılerdiń qulap ketý oqıǵasy úsh ret tirkelgen. Barlyq balalar aýrýhanaǵa jatqyzylyp, em qabyldaǵan.
Sondaı-aq, Tarazda jeke úıde ata-anasynyń qaraýynsyz qalǵan bala basseınge túsip ketip, mert bolǵan.
