Jambylda 2 jasar búldirshin basseınge batyp, kóz jumdy
TARAZ. QazAqparat – Jambyl oblysy Qordaı aýdanynda 2 jasar búldirshin aýladaǵy úrlenbeli basseındegi sýǵa tunshyǵyp, aýdandyq aýrýhanada qaıtys boldy, dep habarlaıdy QazAqparat tilshisi.
Bul týraly oblystyq tótenshe jaǵdaılar departamentiniń baspasóz qyzmeti habarlady.
«15 shilde saǵat 19:10-da Qordaı aýdany Jambyl aýyly Mádenıet k-si, 9 mekenjaıyndaǵy turǵyn úıde úrlenbeli basseınde 2017 jyly týǵan qyz bala ata-anasynyń qaraýynsyz qalyp, sýǵa batqan. Kishkentaı qyz 16 shilde saǵat 07:00-de Qordaı aýdandyq ortalyq aýrýhanasynda kóz jumdy»,- delingen vedomstvo habarlamasynda.
Atalmysh departamenttiń mamandary oblys turǵyndaryn sýda shomylǵanda abaı bolyp, ereje-talaptardy saqtaýǵa, kishkentaı balalardy qaraýsyz qaldyrmaýǵa shaqyrady.
