Jambylda 182 myń adam tsıfrlandyrýdy oqytý kýrsynan ótti

TARAZ. QazAqparat - Jambyl oblysy ákimdiginde aımaqtyq jobalyq basqarý keńsesiniń jumysy men «Tsıfrly Qazaqstan» memlekettik baǵdarlamasyn iske asyrý máseleleri talqylandy, dep habarlaıdy QazAqparat tilshisi.

Aımaqta bilim, densaýlyq saqtaý, mádenıet, turǵyndarǵa qyzmet kórsetý jáne t.b salalardy tsıfrlandyrý boıynsha ótkizilip jatqan sharalar talqylandy. Búginde bul baǵdarlama aıasynda 182 534 adam oqytý kýrsynan ótken. Bul - bıylǵy jyldyń josparyna saı kórsetkish. Olaı bolǵanymen, oblys ákimi Asqar Myrzahmetov jyl sońyna deıin bul kórsetkishti ósirý joldaryn atap ótti.

Keńes barysynda aımaqta bilim nysandaryn ınternetpen qamtamasyz etý boıynsha júıeli jumys júrgizilgeni aıtyldy. Bıyl bul kórsetkish 93 paıyz oryndalǵan. Kelesi jyly oblys mektepterin 100 paıyz ınternetpen qamtamasyz etý, sondaı-aq aýyl klýbtarynda aqparattyq ortalyqtardy ashý josparlanyp otyr. Budan bólek, bıyl Taraz qalasyndaǵy 111 balabaqsha balalardy kezekke qoıýdyń avtomattandyrylǵan elektrondy júıesine tolyq ótti.

«Kórsetkishterdi ósirý úshin eki-úsh jyldyq josparlar belgilemeı, tıisti sharalardy ýaqytyly qoldanǵan durys», - dedi Jambyl oblysy ákimi A.Myrzahmetov.