Jambylda 170-ten astam mekeme tótenshe jaǵdaı rejımin buzǵan
TARAZ. QazAqparat – Jambyldyq polıtseıler tótenshe jaǵdaı rejımindegi 400-den astam oıyn- saýyq oryndarynyń jumysyn tekserdi, - dep habarlaıdy QazAqparat.
El Prezıdenti Q.Toqaevtyń respýblıkada tótenshe jaǵdaı rejımin engizýine jáne QR ІІM mınıstri E. Turǵymbaevtyń tapsyrmasy boıynsha adamdar kóp jınalatyn jerlerde birqatar sharalar qabyldanyp, ýaqytsha shekteý qoıylǵan bolatyn.
Kúsheıtilgen rejımde júrgizilip jatqan sharalardyń basty maqsaty - qoǵamdyq tártip pen azamattardyń qaýipsizdigin tıisinshe qorǵaýdy qamtamasyz etý.
Qazirgi el ómirindegi kúrdeli kezeńde Jambyl oblysy polıtsııa departamentiniń jeke quramy da qyzmet atqarýdyń erekshe tártibine aýystyryldy.
«Keshki-túngi reıdte bizdiń qyzmetkerler oblystyń 413 mekemesine bardy. Onyń 176-sy engizilgen tótenshe jaǵdaı rejımine qaramastan óz jumysyn jalǵastyrǵan. Atalǵan mekemelerdiń ákimshiligimen túsindirý jumystary júrgizilip, onyń barysynda QR ÁQBtK-niń 476- babynyń (tótenshe jaǵdaı rejımin buzý) talaptary tanystyryldy», - dep habarlady Jambyl oblysynyń Polıtsııa departamenti bastyǵynyń orynbasary polıtsııa polkovnıgi Temirbek Orazymbetov.
Sondaı-aq, onyń aıtýynsha tekserý barysynda polıtsııa qyzmetkerleri oblys ortalyǵynyń kafe-barlarynyń biriniń ákimshiligine qatysty ákimshilik hattama toltyrdy, onda túngi 22.00-den keıin 50-den astam adam bolǵan.
Polıtsııa departamenti quqyq qorǵaý organdarynyń is-áreketterine túsinistikpen qaraýdy jáne tótenshe jaǵdaı kezinde azamattardyń qaýipsizdigi men tártibin qamtamasyz etýge baılanysty qajetti shekteýlerge nazar aýdarýdy suraıdy. Tótenshe jaǵdaı rejımi kezindegi talaptardyń saqtalýyn qadaǵalaý maqsatyndaǵy jumystar jalǵasýda.
Qajy MURAT
