Jambylda 17 jasar mas júrgizýshi bireýdiń kóligin aıdap áketip, jol apatyn jasady
Sarysý aýdany polıtsııa bóliminiń qyzmetkerleri túngi patrýldeý kezinde Jańatas qalasynyń ortalyq kósheleriniń birinde qozǵalysy kúdik týdyrǵan avtokólikti baıqaǵan.
Atalǵan kólik júrgizýshisi polıtsııa qyzmetkerleriniń toqtaý týraly eskertýin elemeı, baǵytyn ózgertip qashpaq bolǵanda jol shetindegi tsement qaptalǵa soǵysqan.
Quqyqbuzýshy kámeletke tolmaǵan 17 jastaǵy Taraz qalasynyń turǵyny bolyp shyqty.
Sondaı-aq onyń bireýdiń kóligin urlap aıdap ketkeni jáne mas bolǵany anyqtaldy. Alaıda, ıesi kóliginiń urlanǵanyn bilmegen.
Atalǵan derekke qatysty QR QK-niń 200-baby 1-bóligimen sotqa deıingi tergeý amaldary júrip jatyr.
Sonymen qatar oǵan QR ÁQBtK 608-baby 8-bóligimen hattama toltyryldy.
Ony Jambyl oblystyq bilim basqarmasynyń qyzmetkerleri Taraz qalasyndaǵy Jasóspirimder úıine jetkizdi.
Eske sala keteıik, 19 shilde men 18 tamyz aralyǵynda respýblıka kóleminde «Qaýipsiz jol» aılyǵy ótip jatyr.