Jambylda 15 bilim berý uıymynyń lıtsenzııasy toqtatyldy
TARAZ. QazAqparat - Jambyl oblysynyń bilim salasynda ákimshilik quqyq buzýshylyq týraly 86 is qozǵaldy. Onyń 70-i qaralyp, 1710 aılyq eseptik kórsetkish mólsherinde aıyppul salynǵan. 15 bilim berý uıymynyń lıtsenzııasy 6 aıǵa deıingi merzimge toqtatyldy, dep habarlaıdy QazAqparat.
Bul týraly oblystyq bilim salasyndaǵy baqylaý departameniniń basshysy Dámesh Úskimbaeva aıtty. Atalmysh departament qozǵaǵan 16 ákimshilik is sotqa joldanyp, 605 aılyq eseptik kórsetkish mólsherinde aıyppul salynǵan. 3 zańdy tulǵaǵa qatysty ákimshilik ister qysqartyldy.
«Bilim berý qyzmetin lıtsenzııalaý boıynsha ótken jyly 511 ótinish tústi»,- deıdi departament basshysy.
Sondaı-aq, departament basshysy men qyzmetkerleri 2019 jylǵy 17-19 qańtar kúnderi aralyǵynda M.H.Dýlatı atyndaǵy Taraz memlekettik ýnıversıteti, Taraz memlekettik pedagogıkalyq ýnıversıteti, Jańatas, Shý qalalary jáne Qordaı aýdanyndaǵy ulttyq biryńǵaı testileýge qatysqan. Aıta keteıik, oblys boıynsha testileýge qatysýǵa 8331 bitirýshiniń 1993-i ótinish berip, 1865 túlek UBT-ǵa qatysty. Ortasha ball - 63,95.
