Jambylda 140 nysan seısmıkalyq qaýipti dep tanyldy
Bul týraly oblystyq sáýlet jáne qala qurylysy basqarma basshysynyń mindetin atqarýshy Dáýlet Dosanovtyń qatysýymen óńirlik kommýnıkatsııalar qyzmeti alańynda ótken brıfıngte aıtyldy.
«Jambyl oblysynyń seısmoturaqtylyǵy 7 baldy quraıdy. Oblys boıynsha seısmoqaýiptiligi joǵary aımaqtar Taraz, Jańatas, Qarataý, Shý qalalary jáne T. Rysqulov, Jýaly, Baızaq, Qordaı, Jambyl, Merki, Talas, Shý aýdandaryn qamtıdy. Áleýmettik, turǵyn úı jáne kommertsııalyq baǵyttaǵy seısmıkalyq tekserýdi qajet etetin nysandardy anyqtaý maqsatynda nysandardyń tehnıkalyq jaǵdaıyn, seısmıkalyq tózimdiligin zerdeleý nátıjesinde 140 ǵımarat anyqtalǵan»,-deıdi Dáýlet Dosanov.
Alaıda, basqarma basshysy Jambyl oblysynda seısmıkalyq qaýip tónip tur dep asa úreılenýdiń orynsyz ekendigin tilge tıek etti. Budan bólek, aımaq boıynsha avtomobıl joldary, kóshelerdiń boıynda ornalasqan saýda oryndary men dúńgirshekterge zerdeleý jumystary júrgizilipti. Nátıjesinde - 109 saýda dúkeni sanıtarlyq-tehnıkalyq talaptarǵa saı bolmaı shyqqan.