Jambylda 11 mektep dırektory keń kabınetin oqýshylarǵa bosatyp berdi
TARAZ. QazAqparat - Jambyl oblysynda mektep dırektorlary keń saraıdaı kabınetterin aıadaı bólmege aýystyrýǵa kiristi, dep habarlaıdy QazAqparat.
Memleket basshysynyń shyǵyndardy ońtaılandyrý jónindegi tapsyrmasy aıasynda qazir óńirlerdegi mektep dırektorlary aýmaǵy úlken kabınetterin oqýshylarǵa ońtaılandyryp, bosatyp berýdi bastady. Respýblıkadan bastaý alǵan joba Jambyl oblysynda da jalǵasyn tapty. 11 mektep basshysynyń jumys kabınetteri 40 jáne 50 sharshy metr aýmaqty quraıtyny anyqtalyp, dırektorlar shaǵyn kabınetterge kóship jatyr.
«Óńirde barlyǵy 446 mektep bar bolsa, búginge deıin QR Memlekettik qyzmet isteri jáne sybaılas jemqorlyqqa qarsy is-qımyl oblystyq departamenti 61 bilim mekemesine monıtorıng júrgizdi. Monıtorıng qazirgi tańda oblys aýmaǵyndaǵy aýdandarda jalǵasýda. Aldaǵy ýaqytta barlyq mektepterdi qamtımyz»,-deıdi atalmysh departamenttiń sybaılas jemqorlyq profılaktıkasy basqarmasynyń basshysy Dáýren Omarov.
Aıta keteıik, keń kabınetin oqýshylarǵa bosatyp bergen basshylardyń biri - Tóle bı atyndaǵy №8 mektep-gımnazııanyń dırektory Álisher Ázimbaıuly. Onyń aýmaǵy 40 sharshy metr bolatyn keń kabıneti qazir aǵylshyn tili jáne orys tili kabınetine aınalǵan. 2079 oqýshy bilim alatyn bul bilim oshaǵynda synyp tapshylyǵy kópten beri ózekti máselege aınalǵan.
