Jambylda 11 kólik soqtyǵysyp, jaraqattanǵandar aýrýhanaǵa jetkizildi
TARAZ. QazAqparat – Jambyl oblysynda 11 kóliktiń qatysýymen jol apaty boldy, dep habarlaıdy QazAqparat tilshisi.
Jambyl oblysy aýmaǵyndaǵy «Batys Eýropa - Batys Qytaı» tasjolynyń 393-shaqyrymynda Almaty baǵytynda 11 avtokóliktiń qatysýymen jol-kólik oqıǵasy oryn aldy.
Bul týraly oblystyq polıtsııa departamentiniń basapasóz qyzmeti habarlady.
Jol-kólik oqıǵasy saldarynan birneshe adam túrli dene jaraqatymen aýrýhanaǵa jetkizildi.
Atalǵan derek boıynsha sotqa deıingi tergeý amaldary bastalǵan.
Eske sala keteıik, buǵan deıin Jambyl oblysynda bir táýlik ishinde 700-ge jýyq jol erejesin buzý deregi anyqtalǵanyn habarlaǵan bolatynbyz.
Qazir Jambyl oblysynyń aýmaǵynda respýblıkalyq keń kólemdi «Quqyqtyq tártip» jáne oblystyq «Qaýipsiz jol» jedel aldyn alý is-sharalary júrip jatyr.
