Jambyl joldaryndaǵy kemshilik úshin bıyl 46 laýazymdy tulǵa jaýapkershilikke tartyldy
TARAZ. QazAqparat - Jambyl oblysynyń joldaryndaǵy kemshilik úshin bıyl 46 laýazymdy tulǵa ákimshilik jaýapkershilikke tartyldy, dep habarlaıdy QazAqparat.
Jambyl oblysy Polıtsııa departamentiniń bastyǵy Janat Súleımenov Facebook -tegi paraqshasynda joldardaǵy kemshilik úshin laýazymdy tulǵalar jaýapkershilikke tartylatynyn jazdy.
«Jol-kólik oqıǵalary kóbinese júrgizýshilerdiń kinásinen bolǵanymen, apattylyq deńgeıin tómendetý úshin joldardyń sapasyn jaqsartý qajet.
Іshki ister mınıstri Erlan Turǵymbaevtyń tapsyrmasy boıynsha Jambyl oblysy Polıtsııa departamentiniń qyzmetkerleri jol qozǵalysy qaýipsizdigin qamtamasyz etý úshin 2020 jyldyń 12 aıynda oblystyń avtomobıl joldaryna 1 711 ret tekserdi. Oblystaǵy joldardyń qanaǵattanarlyqsyz jaǵdaıy úshin 195 laýazymdy tulǵa ákimshilik jaýapkershilikke tartyldy», - dedi Janat Súleımenov.
Onyń aıtýynsha, qabyldanǵan sharalardyń nátıjesinde oblystyń avtojoldarynda 8 myńnan astam jol belgisi ornatylyp, ártúrli tehnıkalyq kemgshilik joıylǵan.
«3 aıda júrgizilgen 493 zertteýdiń qorytyndysy boıynsha 46 laýazymdy tulǵa ákimshilik jaýapkershilikke tartyldy. Bul baǵyttaǵy jumys aldaǵy ýaqytta da jalǵasady», - dedi Janat Súleımenov.
