Jambyl joldarynda bir aptada 1 myńnan asa quqyq buzýshylyq tirkelgen
TARAZ. QazAqparat – Jambyl oblysy aýmaǵyndaǵy respýblıkalyq mańyzy bar avtojoldarda polıtsııa qyzmetkerleri bir aptada 1224 ákimshilik quqyq buzý deregin anyqtady, dep habarlaıdy QazAqparat tilshisi.
Jambyl oblystyq PD patrýl polıtsııa batalonynyń jeke quramy jol apatynyń aldyn alý jáne eskertý, júrgizýshiler arasynda kólik júrgizý mádenıetin arttyrý maqsatynda arnaıy shara ótkizip jatyr.
Onyń barysynda óńirdegi respýblıkalyq mańyzy bar avtojoldarda jol qozǵalysy erejesin buzý derekteri anyqtalýda.
Aıtalyq, bir apta ishinde patrýl jasaǵy 1 224 ákimshilik hattama toltyrǵan.
«Máselen, jyldamdyq rejımin asyrǵany úshin 359 júrgizýshi ákimshilik jaýapkershilikke tartyldy, jol qıylysynan ótý erejelerin buzǵany úshin – 91 adam, qaýipsizdik beldigin taqpaǵany úshin – 61 adam, kólikti basqarý kezinde uıaly telefondy paıdalanǵany úshin 52 adam aıyppul tóledi» dep atap kórsetti Jambyl oblysy PD PPB komandıri Serǵazy Ábdiqulov.
Sonymen qatar, jol erejesin buzǵany úshin 63 jaıaý júrginshige ákimshilik hattama toltyrylǵan.
Odan bólek, 71 júrgizýshi kólik quralyn paıdalaný erejesin buzǵan, 17 júrgizýshi mindetti saqtandyrý shartyn jasamaǵan, bir júrgizýshi qarsy qozǵalys jolaǵyna shyqqan.
Shara barysynda aıyp turaǵyna 17 kólik qoıyldy.
