Jambyl jáne Almaty oblystarynda UQShU kúshteriniń oqý-jattyǵýlary ótedi

ASTANA. QazAqparat – 26 qyrkúıek pen 8 qazan aralyǵynda Jambyl jáne Almaty oblystarynda UQShU ujymdyq jedel den qoıý kúshteriniń oqý-jattyǵýlary ótedi. Bul týraly QR Qorǵanys mınıstrliginiń baspasóz qyzmeti málim etti, dep habarlaıdy QazAqparat.

«2022 jylǵy 26 qyrkúıek pen 8 qazan aralyǵynda Jambyl, Almaty oblystarynda UQShU-nyń ujymdyq jedel den qoıý kúshteriniń «Ózara is-qımyl-2022», «Іzdeý-2022», «Eshelon-2022» oqý-jattyǵýlary ótedi.

Osyǵan baılanysty 22-30 qyrkúıek aralyǵynda elimizge Uıymǵa múshe memleketterdiń áskerı kontıngentteri keledi. Áskerı tehnıkanyń qozǵalysy temirjol, áýe kólikterimen jáne dóńgelekti tehnıkamen júzege asyrylady.

Áskerı kontıngentterdiń qozǵalysy kezinde komendanttyq qyzmet, áýe shabýylyna qarsy qorǵanys jáne olardy jan-jaqty qamtamasyz etý máseleleri pysyqtalatyn bolady», - delingen mınıstrliktiń resmı habarlamasynda.