«Jambyl. Jańa dáýir» tarıhı fılmi túsirilip jatyr
Mádenıet jáne sport mınıstrliginiń baspasóz qyzmetinen málim etkendeı, vedomstvo basshysy Dáýren Abaev Almatyǵa jumys sapary barysynda memlekettik qoldaýǵa ıe bolǵan birneshe kınojobanyń túsirilim jumystarymen tanysyp, rejısserlermen kezdesti.
Sondaı-aq mınıstrge 2023 jyldyń basynda kınoteatrlardan kórsetiletin «Jambyl. Jańa dáýir» tarıhı fılminiń treıleri kórsetildi.
Kartınanyń negizgi sıýjeti aqyn ómiriniń sońǵy toǵyz jylyna negizdelgen. Fılmniń akterlik quramynda Dosjan Janbotaev, Erik Joljaqsynov, Asan Májıt, Anna Starchenko, Nurken Óteýlov, Erjan Nurymbet, Doshan Joljaqsynov, Farhad Mahmýdov jáne basqalary bar.
Dáýren Abaev «Hosh ıisti júrek» kórkem fılminiń túsirilim alańyna da bardy. Rejısser Maksım Kodarovtyń debıýttik tolyqmetrajdy eńbegi abıýzer azamattyń ómiri týraly áleýmettik taqyrypty qamtıdy.
Odan bólek, mınıstr rejısser Dılshat Rahmatýllınniń «Ashına. Kókbóriler týraly ańyz» fılmniń keıipkerlerin anıımatsııalaý jáne montaj jumystarymen tanysty.
Al Almaty oblysynda belgili rejısser Ádilhan Erjanovtyń «Múıiztumsyq» fılminiń túsirilimi júrip jatyr. Basty rólderde Berik Aıtjanov pen Anna Starchenko oınaıdy. Ádilhan Erjanovtyń fılmderi Kann, Venetsııa, Lokarno, Rotterdam, Brıýgge, Stokgolm, Pýsan sııaqty «A» klasyndaǵy halyqaralyq kınofestıvalderde tanystyrylyp júr. Onyń azııalyq «Oskar» dep atalatyn bedeldi Asia Pacific Screen Awards – 2019 syılyǵyn jeńip alǵan Qazaqstandyq tuńǵysh rejısser ekenin atap ótken jón.
