Jambyl Jabaevtyń Máskeýge saparlarynan arhıvti fotolar jarııalandy

NUR-SULTAN. QazAqparat – Jambyl Jabaevtyń 175 jyldyq mereıtoıyna oraı QR Prezıdentiniń Teleradıokesheni aqynnyń Máskeýge jasaǵan eki saparynan arhıvti fotolar usyndy, dep habarlaıdy QazAqparat.

TRK «Bir sýrettiń tarıhy» ataýymen eki foto jarııalap otyr. 1938 jyldyń qańtarynda túsirilgen onyń birinde oryndyqta otyrǵan J.Jabaevtyń aınalasyna bir top adam jınalǵan. Qolynda gúlshoqtary bar.

Aqynnyń Máskeýge ekinshi sapary 1939 jyldyń sáýirinde ótken. Onda da J.Jabaev birneshe adamnyń arasynda túsken.

«Jambyl Jabaev óziniń bar ǵumyryn adamnyń eń bıik adamı qasıetterin dáriptedi – patrıotızm, iske adaldyq jáne ádilettilik», - dep jazady QR Prezıdentiniń Teleradıokesheni.