Jambyl Jabaevtyń Máskeýge saparlarynan arhıv fotolary jarııalandy

NUR-SULTAN. QazAqparat – Jambyl Jabaevtyń 175 jyldyq mereıtoıyna oraı QR Prezıdentiniń Teleradıokesheni aqynnyń Máskeýge jasaǵan eki saparynan arhıv fotolaryn usyndy, dep habarlaıdy QazAqparat.

TRK «Bir sýrettiń tarıhy» ataýymen eki foto jarııalap otyr. 1938 jyldyń qańtarynda túsirilgen onyń birinde oryndyqta otyrǵan J.Jabaevtyń aınalasyna bir top adam jınalǵan. Qolynda gúlshoqtary bar.

Aqynnyń Máskeýge ekinshi sapary 1939 jyldyń sáýirinde ótken. Onda da J.Jabaev birneshe adamnyń arasynda túsken.

«Jambyl Jabaev óziniń bar ǵumyryn adamnyń eń bıik adamı qasıetterin dáripteýge arnady – olar patrıotızm, iske adaldyq jáne ádilettilik», - dep jazdy QR Prezıdentiniń Teleradıokesheni Telegram-da.