Jambyl Jabaevtyń eskertkishine gúl shoqtary qoıyldy
TARAZ. QazAqparat – 28 qańtar – jyr alyby – Jambyl Jabaevtyń týǵan kúni. Osyǵan qaraı jambyldyqtar aqynnyń eńseli eskertkishine gúl shoqtaryn qoıdy, dep habarlaıdy QazAqparat.
Aqynnyń 174 jyldyǵyna oraı, oblys ákimdigi ǵımaratynyń aldynda ornalasqan Jambyl eskertkishine gúl shoqtaryn qoıý rásimi ótti. Oǵan Jambyl oblysy ákiminiń birinshi orynbasary Bekbolat Orynbekov, oblys ákiminiń orynbasary Erjan Jylqybaev, Taraz qalasynyń ákimi Aıtqazy Qarabalaev jáne zııaly qaýym ókilderi, oblystyq, qalalyq ardagerler keńesi men qoǵamdyq keńestiń músheleri qatysty.
Jınalǵan kópshilik eskertkishke gúl shoqtaryn qoıý rásiminen soń bir mınýt únsizdikpen tulǵa rýhyna taǵzym etti.
Aıta keteıik, 1939 jyly oblys alǵash qurylǵanda, óńirge aqyn esimi berilgen bolatyn.
