Jambyl Jabaevtyń 170 jyldyǵyna arnalǵan «Álem aqyny» atty ádebı kesh ótti (FOTO)
ASTANA. QazAqparat - Búgin Qazaqstan Respýblıkasynyń Ulttyq mýzeıinde Jambyl Jabaevtyń 170 jyldyǵyna arnalǵan «Álem aqyny» atty ádebı kesh ótti.
Aıta keteıik, bıyl qazaqtyń uly aqyny, jyr alyby Jambyl Jabaevtyń 170 jyldyǵy Qazaqstanda da, birqatar shet memleketterde de keńinen toılanady dep kútiledi. Jambyl Jambaev «HH ǵasyrdyń Gomeri» atanyp ketken aqyn. Keshtiń basty maqsaty - halyqtar arasyndaǵy dostyqty jyrlaǵan aqynnyń ulylyǵyn, danalyǵyn kórsetý boldy.
Kesh aıasynda J.Jabaev shyǵarmalaryn mánerlep oqý boıynsha qalalyq baıqaýǵa qatysqan Astana qalasy mektepteriniń oqýshylarynyń oryndaýyndaǵy J.Jabaev shyǵarmalarynan quralǵan poezııalyq kompozıtsııa kórsetilip, uly aqynnyń atymen atalǵan Reseı qalalaryndaǵy kósheler jaıly beınesıýjetter kórsetildi.
Ózderińizge málim Jambyl Jabaevtyń esimi kóptegen reseılik qalalardyń, atap aıtqanda: Sankt-Peterbýrg pen Lıpetskidegi tuıyq kóshege, Ijevskidegi kóshe men tuıyq kóshe, Volgograd, Irkýtsk, Kýrgan, Tıjnıı Novgoro, Novosıbırsk, Habarovsk kóshelerine berilgen bolatyn.
Reseıdiń kóptegen qalalarynda Jambyl Jabaevtyń esimi berilgen kósheler bar. 
