Jambyl Jabaev - 175 jyl: Mereıtoı aıasynda 500-den astam shara ótti

ALMATY. QazAqparat - QR Mádenıet jáne sport mınıstri Aqtoty Raıymqulova bıylǵy jyly qazaqtyń uly aqyny Jambyl Jabaevtyń 175 jyldyǵy Qazaqstanda qalaı toılanyp jatqanyn aıtyp berdi, dep habarlaıdy QazAqparat tilshisi.

«Bıyl Jambyl Jabaevtyń 175 jyldyǵyn atap ótip jatyrmyz. Bir jyl ishinde 500-den astam túrli is-shara ótkizdik, sonyń ishinde shetelde de. Aqyn shyǵarmashylyǵyn nasıhattaýǵa baǵyttalǵan tanymdyq, mádenı, ǵylymı-ádebı keshter, taqyryptyq ekskýrsııalar, kitap kórmeleri men foto kórmeler, dóńgelek ústelder, aqyndar aıtysy jáne basqa da is-sharalar ótkizilip jatyr», - dedi QR Mádenıet jáne sport mınıstri.

Sonymen qatar, ol búgin Jambyl Jabaevtyń 175 jyldyǵyn merekeleý aıasynda jas jazýshy, aqyn, óner qaıratkerlerimen kezdesý ótkenin aıtty.

«Mundaı kezdesýler jas talanttarǵa úlken serpin beredi, olar elimizge kerek ekenin bilýi kerek. Bizdiń bolashaǵymyz - jastar. Osy is-sharalardyń barlyǵy solar úshin ótkizilip jatyr. Búgin túrli usynystar men bastamalar aıtyldy. Biz Táýelsizdiktiń 30 jyldyǵyn toılap jatyrmyz jáne ony baǵalaı bilýimiz kerek. Óıtkeni, bul kúndi ata- babalarymyz armandaǵan. Biz jumys istep, elimizdi damytýymyz kerek», - dedi Aqtoty Raıymqulova.

Aıta keteıik, búgin Almaty oblysy Jambyl aýylynda ótken is-sharaǵa Memlekettik hatshy Q. Kósherbaev, Premer-mınıstrdiń orynbasary E. Toǵjanov, Mádenıet jáne sport mınıstri A. Raıymqulova jáne aqyn-jazýshylar qatysty.