Jambyl turǵyny jalǵan qaıyrymdylyq qoryn quryp, kásipkerlerden aqsha jınaǵan

NUR-SULTAN. QazAqparat – Іshki ister mınıstrligi Jambyl oblysy turǵynynyń qaıyrymdylyqqa qarajat jınaý arqyly ınternet-alaıaqtyq jasaǵan adamnyń qylmysyn áshkereledi, dep habarlaıdy QazAqparat tilshisi.

«Jambyl oblysy turǵynynyń qaıyrymdylyq maqsattarǵa qarajat jınaý arqyly birqatar ınternet-alaıaqtyq jasaǵany áshkerelendi. Ol jalǵan qor quryp, kásipkerlermen baılanys ornatyp, qordy damytýǵa kómek kórsetýdi suraǵan. Aqsha jalǵan qorǵa tirkelgen shottarǵa aýdarylǵan», - dedi Nurdildá Oraz mınıstrliktiń baspasóz máslıhatynda.

Onyń aıtýynsha qazirgi ýaqytta kúdikti jalpy somasy 2 mln 300 myń teńge zalal keltirgen. 15 kommertsııalyq qurylymnyń basshylary san soǵyp otyr.

«ІІM, turǵyndardy saq bolyp, jeńil jáne tez paıda tabýdy usynatyndarǵa senbeýge shaqyrady. Alaıaqtyq faktileri týraly dereý polıtsııaǵa habarlaýdy umytpańyz», - deıdi ol.