Jambyl turǵyny Qostanaı oblysynda koronavırýs juqtyrdy degen aqparat – feık
QOSTANAI. QazAqparat – Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti Jambyl oblysy turǵynynyń Qostanaıda koronavırýs juqtyrǵany týraly aqparatty teriske shyǵardy, dep habarlaıdy QazAqparat.
«Jambyl oblysynyń 1999 jyly týǵan turǵyny Qostanaıda koronavırýspen aýyrýy múmkin degen aqparatty teriske shyǵaramyz. Tarazdaǵy áriptesterimizben birlesip júrgizgen epıdemıologııalyq tekserý kezinde koronavırýs juqtyrǵan qyz Jambyl oblysy Qordaı aýdanynyń turǵyny ekeni anyqtaldy. Ol uzaq ýaqyt boıy úıinde bolǵan, sodan keıin onyń koronavırýsty juqtyrý faktisi rastalǵan. Búgingi kúni Qostanaı oblysynda koronavırýs dıagnozy bar jalǵyz patsıent qanaǵattanarlyq jaǵdaıda. Qajetti em alyp jatyr», - deıdi vedomstvonyń baspasóz hatshysy Sáýle Nurpeıisova.
Qazir Qostanaı oblysynda 185 adam aýrýhanaǵa jatqyzyldy, 2148 úı karantıninde. Aıta ketý kerek, Qostanaı oblysyna basqa óńirlerden avtomobıl pýnkti arqyly ótetinder sany 20 esege azaıdy. Eger osyǵan deıin kúnine 3 myńnan 5 myńǵa deıin adam tirkelse, shekaradaǵy shekteýlerden soń oblysqa kúnine 300-deı adam keledi.
Medıtsınalyq qyzmetkerler men polıtseıler azamattardy muqııat tekseredi.
