Jambyl-Talas temirjol aralyǵynda júk poıyzy 48 jastaǵy áıeldi basyp ketti
ASTANA. QazAqparat - Qaıǵyly oqıǵa Jambyl oblysyndaǵy temir jolda oryn alǵan, dep habarlady aımaqtyń TJD-niń baspasóz qyzmetinen.
«15 qarasha kúni saǵat 19:04-te Jambyl-Talas» aralyǵynyń 3516-shy shaqyrymynda, №5 pıkette, Jambyl-Shý baǵytyndaǵy №3014 júk poıyzy (mashınıst B.Qurbanov) Taraz qalasynyń turǵyny, 48 jastaǵy áıeldi basyp ketti. Jambyl oblystyq TJD-niń kezekshisine bul týraly habarlama saǵat 19:30-da kelip túsken», - delingen vedomstvonyń habarlamasynda.
Zardap shekken áıel Taraz qalasynyń №1 aýrýhanasyna jetkizilip, saǵat 20:10-da qaıtys boldy.
Poıyzdyń keshigýi oryn alǵan joq, dep naqtylady Jambyl oblystyq TJD-niń baspasóz qyzmetinen.
