Jambyl prokýrorlaryna 8 myńnan astam ótinish kelip túsken
Jambyl oblysynyń prokýrorlary memleket pen qoǵam azamattarynyń quqyqtaryn, bostandyqtary men zańdy múddelerin qorǵaý, sapasy, obektıvtiligi men jan-jaqtylyǵy, jeke jáne zańdy tulǵalardyń ótinishterin qaraý kezinde birqatar qaǵıdattardy basshylyqqa alady. Bul quqyǵy buzylǵan azamattardyń shaǵymdary men aryzdaryn qaraý kezinde zańdylyqtyń buzylýyn joıý týraly 51 prokýrorlyq qadaǵalaý aktilerin engizýge múmkindik berdi.
Mysaly, Sarysý aýdany turǵynynyń ótinishin qaraý kezinde oblys prokýratýrasy ekologııa, memlekettik satyp alý jáne monopolııa salalaryndaǵy eleýli zań buzýshylyqtar anyqtady. Nátıjesinde, engizilgen yqpal etý aktisi negizinde aýdandyq bólim basshysy jáne 5 aýyldyq okrýg ákimderi 3,6 mln teńge somasyna aıyppul túrinde ákimshilik jaýapkershilikke tartyldy. Zańbuzýshylyqtar joıyldy.
«Aǵymdaǵy jyly oblys prokýrorlary 8 myńnan astam ótinishti qarady. Olardyń jartysyna jýyǵy, ıaǵnı 47 paıyzy - qylmystyq qýdalaýmen, tórtten bir bóligi - áleýmettik-ekonomıkalyq saladaǵy máselelermen jáne 7 paıyzy - qylmystyq, azamattyq jáne ákimshilik ister boıynsha sot aktilerimen baılanysty. Áleýmettik-ekonomıkalyq salada túsken ótinishterdiń basym bóligi quzireti boıynsha ýákiletti organdarǵa joldandy» delingen habarlamada.
Ótinishterdi qaıta jiberý deńgeıi nege joǵary? Sebebi, prokýrorlar ótken jyldan bastap engizilgen ótinishti qaraýdyń jańa tártibi jóninde halyqty habardar etpegen.
Máselen, «Prokýratýra týraly» Zańǵa sáıkes, prokýratýra organdary budan bylaı myna ótinishterdi qarastyrady:
- Prezıdenttiń tapsyrmasy bolsa;
- adam ómiri men densaýlyǵynyń qaıtymsyz zardaptaryna, qoǵam men memlekettiń ekonomıkasy men qaýipsizdigine qaýip tónip tursa;
- adam denesiniń nemese psıhıkalyq buzylýynan nemese basqa jaǵdaılarda ózin qorǵaı almasa;
- shektelmegen adamdar tobynyń quqyqtary buzylǵan, ıaǵnı adamdardyń sheńberin obektıvti anyqtaý múmkin bolmaǵan kezde.
Bul rette kórsetilgen ótinishterdiń sanatyn prokýrorlar tek zańbuzýshylyq nemese olardyń quqyq qorǵaý jáne arnaıy memlekettik organdardyń qyzmetinde paıda bolý qaýpi, sondaı-aq múddeler qaqtyǵysy bolǵan ne baqylaýshy nemese qadaǵalaý organynyń sheshimine shaǵym jasalǵan jaǵdaılardy ǵana qaraıdy. Sondyqtan, eger ótinishter kórsetilgen ólshemderge sáıkes kelmese, azamattar men zańdy tulǵalarǵa óz quqyqtaryn qorǵaý úshin tikeleı ýákiletti organdarǵa nemese sotqa júginý qajet.
Aıta ketý kerek, 2017 jyldan bastap prokýrorlardyń azamattyq ister boıynsha sot sheshimderine narazylyq keltirý týraly ótinishterdi qaraý tártibi ózgergen. Al, azamattar men zańdy tulǵalar kúshine engen sheshim boıynsha Joǵarǵy sotqa shaǵymdanýǵa tıis.
«Joǵaryda aıtylǵan talaptardy bilý - halyqtyń qajetti adresatqa birden júginýine múmkindik beredi», - dep málim etti oblystyq prokýratýranyń baspasóz qyzmetinen.