Jambyl prokýratýrasy 1,3 myń gektarǵa tarta jer telimderin memleket menshigine qaıtardy

TARAZ. QazAqparat - Memleket basshysynyń tapsyrmalary aýqymynda oblys prokýratýra organdary ákimdiktermen birlese otyryp, paıdalanylmaǵan jerlerdi anyqtaý boıynsha tekserý júrgizýdi jáne olardy memleket menshigine qaıtarýdy jalǵastyrýda.

«2016 jyldyń basynan beri jer zańnamasyn paıdalanýǵa qadaǵalaý salasynda 125 qadaǵalaý aktisi shyǵaryldy, olar boıynsha jergilikti atqarýshy organdardyń 112 zańsiz aktileri joıyldy jáne ózgertildi, tártiptik jaýapkershilikke 21 laýazymdy tulǵa tartylddy. Júrgizilgen sharalardyń nátıjesinde oblys aýmaǵynda kólemi 21,4 myń gektardan asatyn jáne kadastrlyq quny 567,2 mln. teńgeni quraıtyn 302 paıdalanylmaǵan jer telimderi anyqtaldy», - dep túsindirdi qadaǵalaý organynda.

Jerlerdi memleket menshigine qaıtarý úshin prokýratýra zańnamada kózdelgen barlyq sharalardy qolǵa alýda, sonyń ishinde tıisti eskertýler tapsyrylyp, zańdy shaǵymdar tirkelýde.

Nátıjesinde memleket menshigine kólemi 1,26 myń ga jáne kadastrlyq quny 17,3 mln. teńgeniń 40 jer telimi qaıtaryldy.

Tárkilengen jerlerdi odan ári usyný aıryqsha baqylaýǵa alyndy, dep sendirdi Jambyl oblystyq prokýratýrasy.