Jambyl polıtseıleri jol qozǵalysy erejesin óreskel buzǵan júrgizýshilerdi tapty
ASTANA. QazAqparat - Jambyl oblysynyń polıtseıleri jol qozǵalysy erejesin óreskel buzyp, vıderolıkke túsip qalǵan adamdardy tapty, dep habarlady oblystyń ІІD-ne silteme jasap «QazAqparat» HAA.
Polıtsııanyń derekterine sáıkes, vıdeo Instagramǵa 9 tamyzda jarııalanǵan. Keıin anyqtalǵandaı, oqıǵa Tarazda 6 tamyzda Abaı kóshesiniń boıynda bolǵan.
10 tamyzda kortejdiń qatysýshylary anyqtalyp, ákimshilik jaýapqa tartyldy. Olardyń biri 24 jastaǵy júrgizýshisi basqarǵan «Leksýs markaly kólik. Oǵan qatysty QR ÁQtK 596-baby 3-bóligi boıynsha ákimshilik quqyqbuzýshylyq týraly hattama toltyryldy.
Sondaı-aq vıdeoǵa 19 jastaǵy júrgizýshi basqarǵan «Toyota Highlander» markaly kóligi túsip qalǵan. Oǵan qatysty ÁQtK 590-baby, 7-bóligi, 595-baby 1-bóligi boıynsha 2 hattama jasaldy.
Úshinshi - 26 jastaǵy júrgizýshi basqarǵan «BMW» kóligi. Oǵan qatysty ÁQtK 590-baby 7-bóligi boıynsha hattama toltyryldy.
Qazirgi ýaqytta «Toyota» (artta kele jatyp vıdeo túsirgen) jáne Mercedes-Benz G-Wagen» markaly eki kólik (qarsy jolaqqa shyǵyp ketken) anyqtalýda. Sotaldy tergeý júrip jatyr.
