Jambyl, Pavlodar, Túrkistanda kóshi-qon ortalyǵy ashylady
NUR-SULTAN. QazAqparat - Aǵymdaǵy jyly elimizdiń úsh óńirinde Kóshi-qon qyzmetterin kórsetý ortalyǵy ashylady. Bul týraly búgin QR ІІM Kóshi-qon qyzmeti komıtetiniń tóraǵasy Murat Qabdenov aıtty, dep habarlaıdy QazAqparat tilshisi.
«Kóshi-qon qyzmetterin kórsetý ortalyqtaryn ashý jumysyn «Azamattarǵa arnalǵan Úkimet» memlekettik korporatsııasymen birge bastap kettik. Alǵashqy Kóshi-qon qyzmetterin kórsetý ortalyǵy elordada ashylyp, búginde elimiz boıynsha 14 ortalyq jumys istep tur. Osy jyldyń birinshi jartyjyldyń sońyna deıin qalǵan úsh óńirde - Jambyl, Pavlodar jáne Túrkistan oblystarynda Kóshi-qon qyzmetterin kórsetý ortalyqtary ashylady», - dedi ol BAQ ókilderine elordadaǵy Kóshi-qon qyzmetterin kórsetý ortalyǵynyń jumysyn tanystyrý barysynda.
Osy rette komıtet basshysy Kóshi-qon qyzmetterin kórsetý ortalyǵy eń mıgranttaryn zańdastyrý maqsatynda ashylyp otyrǵandyǵyn basa aıtty.
«Erterekte eńbe mıgranttary barlyq qajetti satydan ótý úshin aıǵa jýyq ýaqytjumsaıtyn. Al qazir barlyq jumys bir tereze qaǵıdatymen Kóshi-qon qyzmetterin kórsetý ortalyǵynda shoǵyrlandyrylǵan. Búgindeeńbek patentin táýlik ishinde alýǵa bolady. Ruqsat úsh aıǵa beriledi. Odan keıin mıgrant ony sozýy tıis. Mıgrant eńbek patenti úshin aıyna 2 AEK kóleminde salyq tóleıdi», - dedi Murat Qabdenov.
Aıta keteıik, aǵymdaǵy jyly elimizge shamamen 600 myń eńbek mıgranty keletindigi kútilýde.
Jalpy, 2018 jyly Іshki ister mınıstrligi 19,5 mln memlekettik qyzmet kórsetken. Al osy jyldyń qańtar-aqpanynda kórsetilgen qyzmet sany 2,7 mıllıonǵa jetip otyr.
