Jambyl óńirinde 11 medıtsınalyq uıymǵa «E-Kezek» elektrondy júıesi engizilýde

TARAZ. QazAqparat - Jambyl oblysynda 11 medıtsınalyq uıymǵa «E-Kezek» elektrondy júıesi engizilip jatyr, dep habarlaıdy QazAqparat  oblys ákiminiń baspasóz qyzmetine silteme jasap.

Elbasy Nursultan Nazarbaev 5 qarashadaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda tıisti salalar boıynsha naqty usynystar aıtqan bolatyn. Sondaı-aq, Memleket basshysy óz Joldaýynda medı­tsı­nalyq qyzmet sapasy halyqtyń áleýmettik kóńil-kúıiniń asa mańyzdy komponenti ekendigin jáne aýyldyq jerlerde alǵashqy medıtsınalyq-sanıtarlyq kómek qoljetimdi bolýy tıis ekendigin atap ótti. Bul rette Jambyl oblysynda 95 alǵashqy medıtsınalyq kómek nysanyn salý qajetti­gi týyndap otyr. Jyl sońy­na deıin memleket-jekemenshik áriptestik sheńberinde 30 nysandy paıdalanýǵa berý josparlansa, bıýdjet esebinen 9 nysan paıdalanýǵa berilmek. Bıýdjet qarajatyn únemdeý negizinde 95 nysannyń qurylysyn júrgizý merzimi 8-10 jyldan 3 jylǵa qysqar­ǵanyn aıta ketý kerek. Nátıjesinde qurylysqa jumsa­latyn 6,5 mıllıard teńge mem­lekettik-jekemenshik áriptestik aıasynda 2,3 mıllıard teńgege de­ıin qys­qartylyp, qarjy edáýir únemdeledi. 

Al Joldaýdaǵy alǵashqy me­dı­tsınalyq-sanıtarlyq kómek kórsetetin qyzmetkerlerdi yntalandyrý jáne aýrýlardy emdeý isin basqarýdyń jańa tásil­derin engizgen ýchaskelik me­dı­tsına qyz­met­kerleriniń jalaqy­syn kezeń-kezeńmen kóbeıtý baǵy­tyn­­da emdeý isin basqarý baǵ­dar­lamasy óńirdegi 20 emha­naǵa júkte­lip, 180 maman oqytyldy. Osy baǵdarlamanyń jańa tásil­derin engizgen ýchaskelik me­dıtsına qyzmetkerleriniń jala­qysy kezeń-kezeńmen 20 pa­ıyz­­ǵa kóbeıtiletin bolady. 

«Sonymen qatar oblys bo­ıynsha 11 medıtsınalyq uıymǵa «E - Kezek» elektrondyq kezekti engizý úshin jergilikti bıýdjet esebinen 73 mıllıon teńge bólingen. Qazirgi tańda oblystaǵy 43 densaýlyq saqtaý mekemesinde 8686 medıtsınalyq qyzmetker aqparattyq júıeler boıynsha jumys isteıdi. Aqparattyq júıelerge 732 946 elektrondyq densaýlyq pasporty engizilgen. «Halyqty tirkeý regıstri» aqparat­­tyq júıesine tirkelgen­der halyq sanynyń 65,9 paıy­zyn qurasa, 2019 jyldyń 1 qań­tary­na 100 paıyzdy quraıtyn bola­dy» delingen habarlamada.

Qaterli isikterdiń aýrýshań­dyǵyn, ólimin tómendetý jáne onkologııalyq qyzmettiń sapasyn arttyrý maqsatynda oblys­ta onkologııalyq dıspanserdiń qurylysy júrgizilip jatyr.