Jambyl oblysynyń jer aýmaǵy 1090 gektarǵa keńeıdi
Úkimet basshysy Asqar Mamınniń qaýlysymen Almaty oblysyndaǵy Jambyl aýdanynyń myń gektardan astam jeri Qordaı aýdanyna qosyldy. Mundaı qajettilik turǵyndardyń uzaq jyldan bergi ótinishterinen keıin týyndaǵan. Buǵan deıin jergilikti jurt qujattaryn rásimdeý, memlekettik qyzmet túrlerin alý úshin 150 shaqyrym jerdegi aýdan ortalyǵyna barýǵa májbúr bolǵan. Al halyqtyń júrip-turýyna Almaty oblysynan góri 70 shaqyrym jerdegi Jambyldyń Qordaı aýdany yńǵaıly. Bul másele qos oblystyń ákimdikteri men máslıhat jáne Májilis depýtattarymen qaralyp, qoldaý tapqan.
«Qordaı aýdanyndaǵy Otar aýylyna qarasty Gvardeıskıı áskerı qalashyǵynyń tap irgesinde «Voensovhoz» atalyp ketken eldimeken bar. Sol eldimekenniń jartysy Almaty oblysynda qalyp qalǵan. Qazir sol eldimekenderdi Otarǵa, Jambyl oblysyna qostyq. Endi mundaǵy jurt sharýasyn bitirý úshin 150 shaqyrym jerdegi Uzynaǵashqa sabylmaı, ıek astyndaǵy Qordaıǵa bara salady. Qazir eki oblys ákimdigi tıisti qujattardy ázirlep jatyr. Bul shara bir aıdyń ishinde aıaqtalýy tıis,-deıdi oblystyq jer qatynastary basqarmasynyń bólim basshysy Aıdar Tájikov.
Aıta keteıik, Jambyl oblysynyń qaramaǵyna 1090 gektar alqap múlkimen kóshti. Onyń ishinde Otardaǵy «Gvardeıskıı» áskerı garnızony, oqý-jattyǵý polıgony, bıologııalyq qaýipsizdik poblemalarynyń ǵylymı-zerteý ınstıtýtynyń ǵımaraty jáne birneshe kásipkerlik nysandar bar.
