Jambyl oblysynyń jarylys bolǵan aımaǵynda poıyz qozǵalysy toqtatyldy

TARAZ. QazAqparat – Jambyl júk tasymaly bólimshesiniń Taraz-Lýgovoe jol bóliginiń taq jáne jup baǵyttary barlyq poıyzdar úshin jabyldy, dep habarlaıdy QazAqparat.

«Oǵan Jambyl oblysyndaǵy temir jol jelisinen 250-300 metr aýmaqta oqdárilerdiń jarylýy sebep bolyp otyr»,-dep jazdy óziniń Facebook paraqshasynda «Qazaqstan temir joly» ulttyq kompanııasy BAQ-pen jumys jónindegi departament dırektory Qaısar Jumabaıuly.

Jarylys bolǵan aımaqtan 8-10 km qashyqtyqta jatqan Úshbulaq stantsııasyna Tarazdan órt sóndirýshi poıyz keldi. Sondaı-aq órt sóndirýshi poıyz Shý stantsııasynan da jóneltildi.

Jolaýshylar men júk tasymaldaýshy poıyzdardyń qozǵalysy toqtatyldy.

«Qazirgi tańda Petropavl-Qyzylorda baǵytyndaǵy №75 jáne Mańǵystaý-Almaty-2 baǵytyndaǵy №75 poıyzdary men taǵy 14 júk poıyzy ýaqytynan keshigedi»,-delingen habarlamada.