Jambyl oblysynyń turǵyny jasandy kólshikke batyp mert boldy
TARAZ. QazAqparat - Jambyl oblysynda Tótenshe jaǵdaılar departamentiniń ókilderi jaz mezgiliniń alǵashqy maýsymyndaǵy birinshi qaıǵyly oqıǵany tirkedi, dep habarlaıdy QazAqparat.
«Shaıqoryq» aýylyndaǵy «Altyn bulaq» sharýa qojalyǵynda qoldan jasalǵan kólshikke 37 jastaǵy turǵyn batyp ketti»,-dep habarlady Jambyl oblystyq TJ deparmatentiniń baspasóz qyzmeti.
Marqumnyń denesin «Erekshe qutqarý jasaǵy» MM-niń kúshteri alyp shyqty. Sondaı-aq bul jumysqa taǵy 3 qyzmetker men 1 tehnıka jumyldyrylǵan.
Qazirgi tańda bolǵan oqıǵanyń sebep-saldary anyqtalýda.
Jambyl oblystyq Tótenshe jaǵdaılar departamentiniń málimetteri boıynsha, ótken 2017 jyly 33 adam sýǵa batyp mert bolǵan. Olardyń 22-si balalar. Bıyl Jýaly aýdanyndaǵy Bılikól ózeninde balyq aýlamaq bolǵan jergilikti turǵyn sýǵa batyp ketti.
