Jambyl oblysynyń turǵyny Ulytaý oblysynda zańsyz altyn óndirý jumystaryn uıymdastyrǵan

ASTANA. QazAqparat - Ulytaý oblystyq polıtsııa departamenti uıymdasqan qylmysqa qarsy kúres basqarmasynyń qyzmetkerleri arnaıy operatsııa nátıjesinde Jańaarqa aýdanynda zańsyz altyn óndirýmen aınalysqan qylmystyq toptyń qyzmetin toqtatty, – dep habarlaıdy Polisia.kz saıtyna silteme jasap.

Oqıǵa ornynan 23 adam ustalyp, onyń ishinde Jambyl oblysynyń 29 jastaǵy turǵyny jerasty «kásipornyn» uıymdastyrǵany ekeni belgili boldy. Kúdiktiler quramynda altyn bar kendi ashyq ıgerýden alǵan, sodan keıin ony usaqtap, jýǵan. Oqıǵa ornynan polıtseıler tarazy, usatqysh stanokty, quramynda altyn bar 2 tonnadan astam kendi, shamamen 70 gramm altyndy tárkiledi.

Sondaı-aq 7 arnaıy tehnıka – júk kólikteri, samosvaldar, ekskavator alyndy. Sonymen qatar patronmen atý úshin qaıta jasalǵan tapansha tárkilendi. QR QK-niń 295-1-baby (Arheologııalyq jumystardy zańsyz júrgizý), QR QK-niń 287-baby (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) jáne QR QK-niń 288-baby (Salyq salynatyn kiristi azaıtý) boıynsha sotqa deıingi tergeý bastaldy. Tergeý áreketteri júrgizilýde, olardyń nátıjeleri boıynsha protsessýaldyq sheshim qabyldanady.

«Qylmystyq-protsestik kodekstiń 201-babynyń 1-bóligine sáıkes sotqa deıingi tergep-tekserýdiń derekteri jarııa etýge jatpaıdy»,-delingen habarlamada.