Jambyl oblysynyń turǵyny «Qyrym-qandy bezgegi» aýrýyn juqtyrǵany rastaldy - QR Densaýlyq saqtaý mınıstrligi
ASTANA. 5 mamyr. QazAqparat - Qazaqstan Respýblıkasy Densaýlyq saqtaý mınıstrliginiń Memlekettik sanıtarlyq-epıdemıologııalyq baqylaý komıteti aǵymdaǵy jyldyń 5 mamyry kúni Jambyl oblysy Sarysý aýdanynyń turyǵynan qyrym-qandy bezgegi aýrýynyń belgisi anyqtalǵany zerthanalyq jolmen dáleldengendigin habarlady.
QR Densaýlyq saqtaý mınıstrliginiń taratqan baspasóz baıanynda aýrý tabıǵı oshaqtan juqty dep atap kórsetilgen.
Ústimizdegi jyldyń 27 sáýiri kúni naýqas Saýdakent aýylynyń ortalyq aýdandyq aýrýhanasynyń juqpaly aýrýlar bólimi fılıalyna kene shaǵyp túsken.
Qyrym-qandy bezgegi aýrýyn anyqtaý úshin júrgizilgen zerthanalyq zertteý nátıjeleri rastaldy. Naýqastyń jaǵdaıy qanaǵattanarlyq.
Aýrý shyqqan oshaqta Jambyl oblysy memlekettik sanıtarlyq-epıdemıologııalyq baqylaý departamenti men densaýlyq saqtaý basqarmasynyń mamandar toby jumys isteýde.
