Jambyl oblysynyń turǵyny esirtki saýdalaǵany úshin 11 jylǵa sottaldy
TARAZ. QazAqparat - Jambyl oblysynyń qylmystyq ister jónindegi mamandandyrylǵan aýdanaralyq sotynda esirtki saýdasyna qatysty qylmystyq is qaralyp bitti, dep habarlaıdy QazAqparat tilshisi.
Sottyń baspasóz qyzmetinen málim bolǵanyndaı, Jambyl oblysy Qordaı aýdanynyń turǵyny B-ǵa qatysty QR QK-niń 297 baby, 3-bólimine qatysty (bir top adamdardyń esirtkilik zattardy iri kólemde saýdalaý úshin aldyn ala sybaılasyp alyp, ony zańsyz satyp alý, saqtaý, tasymaldaý) qylmystyq qaralǵan.
«Qylmystyq istiń materıaldary boıynsha, B. iri kólemde esirtki satpaq bolady. Ulttyq qaýipsizdik komıtetiniń Jambyl oblysy boıynsha departamentiniń qyzmetkeri satyp alýshy retinde esirtki saýdalaýshymen baılanysqa túsedi. Sóıtip, jalpy salmaǵy 30,05 keli bolatyn iri kólemdegi gashıshti satqan soń, B-ny quzyrly organ ókilderi qylmys ústinde quryqtady»,-dedi delingen sottyń habarlamasynda.
Sottyń úkimimen B ózi jasaǵan qylmystary úshin kináli dep tabylyp, 11 jylǵa bas bostandyǵynan aıyryldy. Sondaı-aq onyń múlki tárkilenip, jazasyn qatań tártiptegi túzeý kolonııasynda atqaratyn bolady. Sot úkimi ázirge kúshine engen joq.
