Jambyl oblysynyń turǵyny alaıaqqa 2,5 mln teńgesin aýdarǵan

TARAZ. QazAqparat – Jambyldyq polıtseıler iri alaıaqtyq deregin ashty, dep habarlaıdy QazAqparat tilshisi.

Polıtsııa qyzmetkerleri azamattyń senimine kirip, odan iri kólemde aqsha alǵany úshin Baızaq aýdanynyń 24 jastaǵy azamatshasyn ustady.

Tergeý barysynda qaskúnemniń qurbany Taraz qalasynyń 31 jastaǵy (er adam) turǵyny ekeni anyqtaldy. Ol alaıaqqa balalardy emdeýge jalpy somasy 2,5 mıllıon teńgeden astam aqsha qarajatyn aýdarǵan.

«Atalǵan derekke qatysty Qazaqstan Respýblıkasy Qylmystyq kodeksiniń 190-baby (Alaıaqtyq) boıynsha sotqa deıingi tergeý amaldary júrgizilýde. Alaıaqtyń qurbany bolǵan basqa adamdardy anyqtaý úshin birqatar tergeý áreketteri júrgizilýde»,-delingen oblystyq polıtsııa departamentiniń habarlamasynda.