Jambyl oblysynyń turǵyndaryna Arys jaqtan eshqandaı qaýip joq - TJD

TARAZ. QazAqparat -Jambyl oblysynyń turǵyndaryna jarylystan zardap shekken Arys qalasy jaqtan qaýip týyndap tur dep Whatsapp jelisi arqyly taraǵan aqparat shyndyqqa janaspaıdy. Bul týraly QazAqparat Jambyl oblystyq Tótenshe jaǵdaılar departamentine silteme jasap habarlady.

Aıta keteıik, Arys qalasy kórshi Túrkistan oblysynyń aýmaǵynda ornalasqan. Eki qala arasyndaǵy avtomobıl trassasynyń uzyndyǵy 246 km-di quraıdy.

«Qazirgi tańda Whatsapp messendjerinde Arys qalasynan tóngen jatqan qaýip týraly aqparat tarap jatyr»,-delingen Jambyl oblystyq Tótenshe jaǵdaılar departamenti taratqan aqparatta.

«Bul málimetter shyndyqqa janaspaıdy».

«Qazgıdromet» RMK-nyń málimetteri boıynsha, Jambyl oblysynyń aýmaǵyndaǵy atmosferalyq aýany lastaýshy zattardyń kólemi shekti deńgeıde.

Jambyl oblystyq Tótenshe jaǵdaılar departamenti turǵyndardy dúrlige bermeı tynyshtyq saqtaýǵa shaqyrdy.

Aıta keteıik, osyǵan deıin Túrkistan oblysynyń Arys qalasyndaǵy áskerı bólimniń qoımasynda jarylys bolǵandyǵyn habarlandy.

Oqıǵa ornyna shuǵyl túrde Memleket basshysy Qasym-Jomart Toqaev jetip, jarylys aýmaǵynan evakýatsııalanǵan turǵyndarmen kezdesti.