Jambyl oblysynyń taýly aımaqtarynda sel qaýpin tóndiretin 18 ózen bar
TARAZ. QazAqparat - Jambyl óńiri sý tasqynyna daıyndalýda. Sel basý qaýpi bar aýdandardyń aýmaqtarynda halyqty qorǵaý baǵytyndaǵy keshendi sharalar atqarylyp jatyr, dep habarlaıdy «QazAqparat» HAA tilshisi.
Mamandardyń baǵalaýynsha, mol qar men jańbyr sýy tasqyn men seldi týyndatýy múmkin. Al ylǵaldyń kóp túsýi ózenderdegi sý deńgeıin kúrt kóterip, tasqynǵa soqtyrýy kádik.
«Jambyl oblysynyń taýly aımaqtarynda sel qaýpin tóndiretin 18 ózen bar,-deıdi «Qazseldenqorǵaý» MB oblystyq fılıalynyń basshysy Dahıdın Kýterbaev.
Bundaı ózenderge Maqpal, Karaqat, Kók dónen, Shalsý, Shóńger, Rysqulov aýdanyndaǵy Qaraqystaq, Merki, Aspara, Taldy bulaq ,Merki aýdanyndaǵy Túzý surat, Jýaly aýdanyndaǵy Aqsaı, Kóksaı, Qordaı aýdanyndaǵy Qaraqońyz, Qaqpatas, Yrǵaıty, Qalǵuty jáne Talas aýdanyndaǵy Tamdy jatady. Sondaı-aq Tasótkel sý qoımasy, Bılikólde de sý tasýy yqtımal,- dep túsindirdi D. Kýterbaev.
Onyń aıtýynsha, oblys aýmaǵynda qaýipti ýchaskelerdi «Qazselden qorǵaý» Jambyl oblystyq eksplýatatsııalyq basqarmasynyń 19 mamany qadaǵalaýda.
Eki jedel top qurylyp, kólikpen qamtamasyz etilgen.
