Jambyl oblysynyń Shý aýdanynda tegin aıyp turaǵy ashyldy
ASTANA. QazAqparat - Prokýrorlar azamattardyń quqyǵyn qorǵaı otyryp, Shý qalasynda tegin memlekettik aıyp turaǵynyń ashylýyna túrtki boldy. Bul jaıynda Jambyl oblystyq prokýratýrasynyń baspasóz qyzmetinen málim etti, dep habarlaıdy QazAqparat.
«Shý aýdanaralyq prokýratýrasyna aýdan azamattarynan aıyp turaǵynan adam aıtsa nanǵysyz aqshaǵa óz kólikterin shyǵaryp alýǵa týra keletindigin jaıly shaǵymdar túse bastady. Bul jaǵdaıdy saralaı kele prokýrorlar shyn máninde azamattardyń quqyqtaryna aıtarlyqtaı nuqsan kelip otyr dep sheshti», - dedi qadaǵalaý organy baspasóz qyzmetiniń jetekshisi Abyroı Azamatov.
Shý aýdanynyń prokýrory Jandos Berdiqulovtyń aıtýynsha, aýdanda tek bir ǵana jekemenshik mamandandyrylǵan aıyp turaǵy bar. Basqa turaqtyń bolmaýy saldarynan polıtsııa qyzmetkerleri quqyq buzýshynyń kóligin, jol-kólik apatyna ushyraǵan avtomobılderdi istiń mán-jaıy anyqtalǵanǵa deıin sol jerge aparýǵa májbúr. Turaq aqyly bolǵannan keıin onda kólikti bir kúnge qaldyrý 960 teńgeni quraıdy. Al jol-kólik apatyna ushyraǵan adam istiń mán-jaıy tolyq anyqtalǵanǵa deıin mashınasyn aqyly aıyp turaǵyna qaldyrýǵa májbúr.
«Máselen, 2016 jyldyń jazynda azamat A. jol-kólik apatyna ushyrap, uzaq ýaqyt emdelýine týra keldi. 10 aıdan keıin ol kóligin almaq bolǵan edi. Ol 200 myń teńgeden astam somanyń esepshoty kelgende tańdanysyn jasyra almady. Buǵan qosa, kóliginiń birqatar qosalqy bólshekteri joǵalǵan. Keıin anyqtalǵandaı turaq ákimshiliginiń jarǵysynda 6 aıdan keıin qaryz esebinen kóliktiń ózin nemese qosalqy bólshekterin satýǵa bolatyndyǵy qarastyrylǵan eken. Bul zańsyz», - dedi prokýratýradan.
«Azamattardyń múddesin qorǵaı otyryp usynys engizdik jáne qazirgi ýaqytta tegin memlekettik aıyp turaǵy uıymdastyryldy. ıAǵnı, endigi ýaqytta azamattar qosymsha shyǵyn jasamaıtyn bolady», - dedi aýdan prokýrory Berdiqulov.
