Jambyl oblysynyń sharýashylyqtaryna 2186,5 tonna pııaz eksporttaýǵa sertıfıkat berildi
TARAZ. QazAqparat – Jambyl oblysyndaǵy sharýashylyqtar pııazdaryn eksporttaýǵa múmkindik aldy, dep habarlaıdy QazAqparat.
Aıta ketý kerek, buǵan deıin pııaz eksportyna salynǵan tyıym jambyldyq sharýalarǵa qıyndyq týǵyzǵan bolatyn. Atalǵan máseleni sheshý boıynsha Jambyl oblysy ákimdigi men oblys ákimdiginiń aýyl sharýashylyǵy basqarmasy tarapynan Úkimetke, tıisti mınıstrlikke hat joldanyp, kóterilgen másele óz sheshimin tapty. Bul týraly atalǵan basqarmanyń áleýmettik jelidegi resmı paraqshasynda jarııalandy.
«Kúni keshe, ıaǵnı 2020 jyldyń 14 sáýirinde QR Aýyl sharýashylyǵy mınıstrliginiń ónimderdi eksporttaýǵa ruqsat berý týraly №123 buıryǵy jaryq kórdi. Endi sharýalar osy buıryqty negizge ala otyryp, QR AShM aýmaqtyq ınspektsııasynan fıtosanıtarlyq sertıfıkat alyp, óz ónimderin eksporttaıtyn bolady»,- delingen habarlamada.
Soǵan oraı aımaqtaǵy Shý (1322,5 tonna), Qordaı (84 tonna), Sarysý (140 tonna) aýdandary men Taraz qalasyndaǵy (640 tonna) 8 aýyl sharýashylyǵy taýar óndirýshilerinen 2186,5 tonna pııazdy eksporttaý boıynsha ótinim túsip, QR AShM aýmaqtyq ınspektsııasy tarapynan fıtosanıtarlyq sertıfıkat berilip otyr.
