Jambyl oblysynyń shalǵaı aýdanyndaǵy apatty mektepter máselesi tolyq sheshildi
TARAZ.QazAqparat - Jambyl oblysynyń ákimi Kárim Kókirekbaev Sarysý aýdanyna jasaǵan issapary barysynda ondaǵy bilim mekemeleriniń jaıymen tanysty, dep habarlaıdy «QazAqparat» HAA tilshisi.
Óńir basshysy birqatar ónerkásip kásiporyndaryn, Jantas qalasynyń áleýmettik-mańyzdy nysandaryn, Dosbol, Aqtoǵaı jáne Ý.Syzdyqbaev eldi mekenderin aralady.
Jambyl oblysy ákimdiginiń baspasóz qyzmetiniń málimdeýinshe, Sarysý aýdany boıynsha eski mektep máseleleri tolyqtaı sheshilgen.
Kárim Kókirekbaev Dosbol aýylyndaǵy 50 oryndyq jańa mektep qurylysymen tanysty. 2016 jyldyń sáýir aıynda bastalǵan mektep qurylysy tamyz aıynda tolyq aıaqtalady dep kútilýde. Ǵımarat qurylysy aıaqtalǵan. Qazirgi ýaqytta aýmaǵyn abattandyrý jáne turaqty paıdalaný maqsatynda ınjenerlik kommýnıkatsııalyq jumystar júrgizilip jatyr. Nysan qurylysyna jergilikti turǵyndardan 50 adam eńbektenýde.
