Jambyl oblysynyń shahmatshylary grossmeıster D.Sádýaqasovtyń Kýbogi úshin ótken týrnırdiń jeńimpazy boldy
ASTANA. 8 Qarasha. QazAqparat /Gúlmıra Álıakparova/ - Astanada halyqaralyq grossmeıster Dármen Sádýaqasovtyń Kýbogi úshin V respýblıkalyq baıqaý aıaqtaldy. Sharany uıymdastyrýshy - QR Bilim jáne ǵylym mınıstrligi «Daryn» respýblıkalyq ǵylymı-tájirıbelik ortalyǵy.
Týrnırge elimizdiń barlyq óńirinen barlyǵy 170-ten astam shahmatshy jáne Reseı Federatsııasynyń Chelıabi oblysynan «Vertıkal» shahmat klýbynyń komandasy qatysty. Týrnır shveıtsarlyq júıe boıynsha 9 kezeńmen ótti.
Tartysty oıynnnyń nátıjesinde jalpy komandalyq esepte Jambyl oblysynyń komandasy - birinshi oryndy, Reseıdiń shahmatshylary - ekinshi jáne Pavlodar oblysynyń jastary - úshinshi oryndy ıelendi. Astana bul oıynda tórtinshi oryndy qanaǵat tutty.
Jeke esepte 9 jasqa deıingi saıysta qyzdar arasynda jeńimpaz Ásel Serikpaı (Qyzylorda oblysy), uldar arasynda - Danıl Smarchkov (Chelıabi oblysy) atandy. 13 jasqa deıingi sanatta birinshi júldeli oryn - qostanaılyq Dıana Asaýbaevaǵa jáne pavlodarlyq Janat Saınge buıyrdy. 17 jasqa deıingi shahmatshylar arasyndaǵy saıysta birinshi oryndy Erkin Qozǵanbaev (Astana) pen Janar Baıjanova (Aqmola oblysy) ıelendi.
Grossmeıster D.Sádýaqasov QR Shahmat federatsııasyna jańadan kelgen basshy - QR Úkimeti basshysynyń orynbasary, Indýstrııa jáne jańa tehnologııalar mınıstri Áset Isekeshev Federatsııa jumysyna jańa tynys beretindigine senim bildirdi.
Qazir Qazaqstannyń Ulttyq quramasy aldaǵy kúnderi Gýandjoý qalasynda ótetin 16-shy Jazǵy Azııa oıyndaryna daıyndyq ústinde.
