Jambyl oblysynyń polıtsııasy Tarazdaǵy atysqa qatysty túsinikteme berdi
TARAZ. QazAqparat - Buǵan deıin Tarazdyń 6 shaǵyn aýdanynda eki adamnyń atys barysynda jaraqat alǵany habarlanǵan edi.
Jambyl oblystyq ІІD baspasóz qyzmetiniń habarlaýynsha, oqıǵa «Boryshker» jedel aldyn alý is-sharasy barysynda oryn alǵan.
«19 maýsymda saǵat 16:30-da «Boryshker» is-sharasy barysynda, polıtsııa qyzmetkeriniń qarý asynyp júrý boıynsha patrýldik júrisi kezinde Taraz qalasyndaǵy shaǵyn aýdannyń birinde belgisiz adam oǵan qarýdan oq atqan. Kúdiktini ustaý kezinde ýchaskelik ınspektor jaralandy», - delingen oblystyq ІІD taratqan habarlamada.
Kúdikti buǵan deıin qylmystyq esepte turǵan. Ol dinı ekstremıst emes, dep málimdedi óńiirlik polıtsııa.
Qazirgi ýaqytta jedel-tergeý is-sharasy boıynsha oqıǵanyń mán-jaıy jáne oǵan qatystylar anyqtalýda.
Oblystyq prokýratýranyń habarlaýynsha, kúdikti aýyr halde №1 qalalyq aýrýhanaǵa jetkizilgen.
