Jambyl oblysynyń polıtseıleri qar qursaýynan 500-den astam kólikti shyǵardy

ASTANA. QazAqparat - Jambyl oblysy Polıtsııa departamentiniń qyzmetkerleri óńirde turǵyndardy tabıǵı apattardan qorǵaý boıynsha jumystar júrgizip jatyr, dep habarlaıdy Polisia.kz.

Barlyǵy 400-ge jýyq PD qyzmetkerleri jumyldyryldy. Oblystyq patrýldik polıtsııa batalonynyń ınspektorlary qalyń qar qursaýynan 500-den astam avtokólikti shyǵardy.

Qazirgi ýaqytta aýa raıynyń qolaısyzdyǵyna jáne aınalanyń kórinýiniń nasharlanýyna baılanysty Batys Eýropa – Batys Qytaı respýblıkalyq mańyzy bar avtojoldarynda 160-shaqyrymnan 239- shaqyrymyna deıin, sondaı-aq Taraz – Shymkent ýchaskesinde 534-shaqyrymnan 593- shaqyrymyna deıin kóliktiń barlyq túrleri úshin qozǵalys joldary jabyq.

Polıtsııa qyzmetkerleri táýlik boıy respýblıkalyq jáne jergilikti mańyzy bar avtojoldardy patrýldeýdi júzege asyrýda.

Sondaı-aq apattyq-qutqarý jumystaryna qatysyp, qalpyna keltirý-tazartý jumystaryn júrgizip jatyr.

Ýchaskelik polıtsııa ınspektorlary ózderiniń ákimshilik aýmaqtaryn aralap, turǵyndarǵa jol saparyna shyqpaýǵa, úıde otyrýǵa jáne kólikterin qaýipsiz jerge qoıý qajettigin eskertedi.

Polıtsııa qyzmetkerleri qulaǵan aǵashtardy, qaýipti elektr symdardy, úılerdiń qulaǵan shatyrlaryn jınastyryp, qalpyna keltirý jumystaryna belsendi atsalysyp jatyr.

Foto: polisia.kz