Jambyl oblysynyń polıtseıleri 2 kelige jýyq geroın tárkiledi - ІІM
ASTANA. 8 qarasha. QazAqparat /Rýslan Ǵabbasov/ - Apta ishinde 1 833 qylmys jasaldy, onyń 1 419-nyń «izi sýymaı» ashyldy.
Bul týraly búgin dástúrli aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.
«Esirtkige qatysty 93 qylmys anyqtaldy, onyń ishinde 15-i esirtki satý faktisi boıynsha. Atap aıtqanda 100 keli esirtki zaty tárkilendi, onyń 2 kelige jýyǵy - geroın», - dedi ol.
Onyń sózine qaraǵanda, arnaıy operatsııa barysynda «Almaty-Astana» avtojolynda ustalǵan kólikti tekserý kezinde Almatyda satý úshin daıyndalǵan 63 kelige jýyq marıhýana tárkilendi. «Esirtkiniń zańsyz tasymalyna tosqaýyl qoıý boıynsha júrgizilgen arnaıy is-sharalar barysynda Jambyl oblysynyń ІІD polıtsııa qyzmetkerleri Tarazdyń 30 jastaǵy turǵynynyń 917 gramm geroındi satý kezinde ustady», dedi Q. Jumanov. Munymen qosa, Jambyl polıtseıleri «Qordaı» keden pýnktinde Qyrǵyzstannyń 48 jastaǵy azamatshasynan 900 gramǵa jýyq geroın tárkiledi.
