Jambyl oblysynyń ókili 2014 jyldyń «Úzdik provızory» atandy
ASTANA. QazAqparat - Búgin Medıtsına qyzmetkerleri kúni qarsańynda QR Densaýlyq saqtaý mınıstrligi «Úzdik provızor» respýblıkalyq baıqaýyn ótkizdi.
Bul týraly QR Densaýlyq saqtamý mınıstrliginiń baspasóz qyzmetinen habarlady.
Baıqaý atalǵan kásiptiń bedelin arttyrýǵa, provızorlardyń sheberligin, bastamalary men shyǵarmashylyq kúsh-qýatyn jetildirýge septigin tıgizetin ıgi dástúrge aınaldy.
Baıqaýǵa QR DSM Medıtsınalyq jáne farmatsevtıkalyq qyzmetti baqylaý komıtetiniń óńirlik departamentteri ótkizgen qalalyq jáne oblystyq baıqaýlarynyń jeńimpazdary qatysty.
Konkýrs qorytyndysy boıynsha: «Úzdik provızor» atalymy boıynsha Taraz qalasyndaǵy «Jasulan jáne K» JShS daıyn dáriler bóliminiń meńgerýshisi Qarymbaeva Shákızat Raqymbaıqyzy jeńiske jetti.
«Dárihana qyzmetiniń basty qaǵıdaty - joǵary farmatsevtıkalyq qyzmet kórsetý, tıisti dárihana tájirıbesi talaptaryn engizý, adam densaýlyǵyn saqtaý maqsatynda naýqastyń múddesine jumys isteý bolyp tabylady», - deıdi ol.
2-shi oryn Aqtaý qalasynan kelgen dárihana jetekshisi Baıbuzova Raýshan Іlııasqyzyna, 3-shi oryn Pavlodar qalasyndaǵy «Maslova» JK jetekshisi, provızor Maslova Elena Igorevnaǵa buıyrdy.
Jeńiske jetkenderdi marapattaý saltanaty 2014 jylǵy 13 maýsymda Astana qalasyndaǵy «Beıbitshilik pen kelisim saraıynda» ótedi.
