Jambyl oblysynyń Moıynqum aýdanynda 18 myń gektardy sharpyǵan dala órtiniń taralýy shekteldi

JAMBYL OBLYSY. QazAqparat – Jambyl oblysynyń Moıynqum aýdanyndaǵy iri dala órtiniń taralýy toqtatyldy, dep habarlaıdy QazAqparat Tótenshe jaǵdaılar komıtetine silteme jasap.

Eske sala ketsek, 18 shilde kúni keshke Jambyl oblysynyń Moıynqum aýdanyndaǵy Moıynqum aýylynan 180 shaqyrym jerde qýraǵan shóp pen sekseýil órtengen. Ony sóndirýge 266 adam, 61 tehnıka jáne 1 tikushaq jumyldyryldy. Bul Jambyl oblysynyń TJD, «Moıynqum, Baızaq, Merki, Qosqudyq, Qordaı jáne Jýaly orman jáne janýarlar dúnıesin qorǵaý jónindegi mekemeleri» KMM, Moıynqum aýdanynyń erikti órt sóndirý qurylymdary, «Qazavıaormanqorǵaý» RMK kúshteri.

21 shildede saǵat 09:45-te shamamen 18 myń gektardy sharpyǵan órttiń taralýy shekteldi. Jaǵdaıdy baqylaý úshin «Qazavıaqutqarý» mekemesiniń MI-2 tikushaǵy aýmaqtyń ústinen ushyp ótti.

15 m/s keı jerlerde jyldamdyǵy 23 m/s jetken kúshti jel órtti sóndirýge kedergi jasady. Dala órti eldimekenderge qaýip tóndirmedi.

Aıta keterligi, tek 20 shildede 27 tabıǵı órt tirkelgen. Tótenshe jaǵdaılar komıteti Aqtóbe, Shyǵys Qazaqstan, Jambyl, Pavlodar, Qostanaı, Qaraǵandy oblystaryndaǵy 15 tabıǵı órtti baqylaýda ustap otyr. Onda órtterdi sóndirý úshin barlyq sharalar qolǵa alynǵan.

Budan basqa, keshe Aqtóbe, Shyǵys Qazaqstan, Jambyl, Batys Qazaqstan, Qaraǵandy, Qostanaı oblystarynda daladaǵy qýraǵan shóp órtenip, olar sóndirildi.

Osy óńirlerde dala órti jalpy aýdany 4 501 gektardy sharpyǵan. Onyń ishinde Aqtóbe oblysyndaǵy órt 3 600 gektarǵa taralǵan. Órtti sóndirýge TJD, erikti órt sóndirý quramalary, orman sharýashylyqtarynyń kúshteri jumyldyryldy.