Jambyl oblysynyń mektepteri tolyǵymen oqýlyqtarmen qamtamasyz etildi - Qurmanbekova
TARAZ. QazAqparat - Jambyl oblysyndaǵy barlyq mektepter jańa oqý jylynda qajetti oqýlyqtar jáne oqý-ádistemelik jıyntyqtarmen qamtamasyz etildi, dep málimdedi «QazAqparat» HAA tilshisine oblystyq bilim berý basqarmasynyń basshysy Sulýshash Qurmanbekova.
Osy maqsatqa bıýdjetten 1,78 mlrd teńge bólingen. Memlekettik satyp alý arqyly alynǵan oqýlyqtardy jetkizý aıaqtalýda. 25 tamyzdan bastap oqýshylarǵa kitaptar berilip jatyr.
Bilim basqarmasynyń málimetinde, osy salaǵa bıyl 90,2 mlrd teńge bólingendigi keltirilgen, ol byltyrǵy qarjydan 16,3%-ǵa kóp. 42 bilim salasynyń nysany jóndelgen. Bilim salasynyń 19 nysanynyń qurylysyna 6,4 mlrd teńge qarastyrylǵan, sonyń ishinde 4 mektep jáne 3 balabaqsha «Nurly jol» baǵdarlamasy arqyly QR Ulttyq qorynan qarjylandyrýda.
Bıyl 1 qyrkúıekte oblystaǵy 450 mektepke jańa oqý jylyna 210 myń oqýshy qabyldanady. Ol byltyrǵy oqý jylynan 11 myń balaǵa kóp. Onyń 26 379-y birinshi synyp oqýshylary.
