Jambyl oblysynyń ishki ister qyzmetiniń birqatar basshylary qyzmetkerlerden turaqty túrde zańsyz aqsha jınap kelgen
ASTANA. Maýsymnyń 16-sy. QazAqparat /Aıdar Ospanalıev/ - Іshki ister mınıstrligi Jambyl oblysynyń Іshki ister departamentiniń sholǵynshy polıtseıler qyzmetiniń birqatar basshylaryna qatysty qylmystyq is qozǵady.
Olarǵa qazirgi tańda polıtsııa qyzmetkerlerinen zańsyz aqsha jınady degen aıyp taǵylyp otyr. Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti.
Onyń aıtýynsha, Memleket basshysynyń sybaılas jemqorlyqpen aıaýsyz kúresý jáne ishki ister organdarynyń óz aralaryn paraqor qyzmetkerlerden tazartý jónindegi tapsyrmasyna sáıkes, tıisti jumystar júrgizilýde. Qazirgi tańda respýblıkanyń barlyq aýmaqtyq qurylymdarynda «senim telefondary» bar. Sondaı-aq mınıstrliktiń jeke saıtynda «Senim paraqshasy» ornalastyrylǵan. «Onda kelip túsken kez-kelgen aqparat nazarǵa alynady jáne túpkilikti tekseriledi. Jambyl oblysynyń Іshki ister departamentiniń qyzmetkerlerine
de osy kózderge kelip túsken aqparattar negizinde qylmystyq is qozǵaldy», dedi departament bastyǵy.
