Jambyl oblysynyń dárigerleri koronavırýs juqtyrǵandardyń jaǵdaıy týraly aıtty
NUR-SULTAN. QazAqparat – Jambyl oblysy Densaýlyq saqtaý basqarmasynyń basshysy Marat Jumanqulov koronavırýs juqtyrǵandardyń densaýlyq jaǵdaıy týraly aıtyp berdi, dep habarlaıdy QazAqparat tilshisi.
«Sońǵy ótken táýliktiń ishinde Jambyl oblysynda koronavırýs indetin juqtyrýdyń eki oqıǵasy tirkeldi. Jalpy, tirkelgen úsh oqıǵaǵa toqtalsaq, olardyń bir-birimen baılanysy joq. Biraq osy adamdardyń barlyǵy Qyrǵyzstannan kelip otyr. Bul adamdar Qazaqstanǵa ár kúnderi kelgen», - dedi M. Jumanqulov Habar 24 telearnasynda ótken onlaın brıfıngte.
Onyń sózine qaraǵanda, bir azamat Qordaı aýdanynyń 1974 jylǵy turǵyny .
Qyrǵyzstannan shekarany ótken kezde, bekitilgen tártipke sáıkes, karantınge oqshaýlanǵan. Zertteý nátıjesinde ınfektsııa shyqqannan keıin, bul naýqaspen tyǵyz qarym-qatynasta bolǵan adamdar anyqtaldy. Búgingi tańda olardyń barlyǵy oqshaýlandy.
«Úshinshi oqıǵa boıynsha toqtalsaq, naýqas Qordaı aýdanynyń turǵyny. Bul azamat ta bizge Qyrǵyzstannan ótip otyr. Bekitilgen algorıtm boıynsha barlyq memlekettik organdar tıisti jumystardy atqaryp, osy kisimen qarym-qatynasta bolǵan adamdardy anyqtady. Ol adamdar karantındik statsıonarǵa jatqyzylǵan», - dep naqtylady basqarma basshysy.
Onyń atap ótýinshe, indet juqtyrǵan adamdardyń densaýlyq jaǵdaıy bir qalypty.
«Olardyń densaýlyqtaryna shaǵym joq. Bekitilgen tártip boıynsh em-dom jasalýda. Oqshaýlanǵan adamdardyń da jaǵdaıy qanaǵattanarlyq, ıaǵnı densaýlyqtaryna shaǵym joq. Olardyń barlyǵy medıtsınalyq baqylaýda bolady», - dedi Marat Jumanqulov.
Aıta keteıik, Jambyl oblysynda indetke shaldyǵýdyń alǵashqy jaǵdaıy 24 naýryzda tirkeldi. Ol - Jambyl oblysy Shý aýdanynyń turǵyny. Óńirge Qyrǵyzstan Respýblıkasynan kelgen. 24 naýryz kúni oblystyq karantındik statsıonarǵa jatqyzyldy.
