Jambyl oblysynyń ákimi daryndy oqýshylarmen kezdesti
TARAZ. QazAqparat - Jambyl oblysynyń ákimi Asqar Myrzahmetov respýblıkalyq olımpıadalar men halyqaralyq jarystardyń jeńimpazdarymen kezdesti, dep habarlaıdy QazAqparat tilshisi Biryńǵaı aqparattyq júıe ortalyǵyna silteme jasap.
Daryndy bilim alýshylardyń 108-i halyqaralyq, respýblıkalyq olımpıadalar men ǵylymı jarystardan 142 medal, onyń ishinde, 22 altyn, 35 kúmis, 85 qola ıelengen.
Vedomostvonyń baspasóz qyzmeti habarlaǵandaı, ótken 2017-2018 oqý jyly halyqaralyq olımpıadalar men ǵylymı jarystarǵa oblystan 257 oqýshy qatysqan. Balalar halyqaralyq olımpıadalar men ǵylymı jarystardan 37 medal enshilese, 63 medaldi respýblıkalyq jáne Prezıdenttik olımpıadalardan alǵan, al 20-sy - «Zerde» respýblıkalyq baıqaýlary men ǵylymı jobalardyń jemisi.
Kezdesý barysynda alty jyl qatarynan ǵylymı jarystarda toptyq birinshi orynǵa qol jetkizip júrgen jáne jetinshi jyl «Úzdik top» ataýyna ıe bolǵan jambyldyq oqýshylar erekshe atalyp ótti.
Jambyl oblysynyń ákimi daryndy balalarǵa aldaǵy ýaqytta sáttilik pen jeńis tiledi. Júldegerlerge noýtbýkter berildi.
