Jambyl oblysynyń ákimdigi kún jáne jel elektr stansalaryn salýǵa ınvestorlar izdestirip jatyr

TARAZ. QazAqparat - Jambyl oblysynyń ákimdigi kún jáne jel elektr stansalaryn salýǵa ınvestorlar izdestirip jatyr. Búgin «100 naqty qadam» - Ult josparynyń óńirlik deńgeıdegi oryndalýyna arnalǵan brıfıngte atalǵan óńirdiń ákimi Kárim Kókirekbaev osylaı málim etti.

«Búginde oblys basshylyǵy kún jáne jel elektr stansalary qurylysy sekildi jańaratyn energııa kózderi boıynsha jobalardy júzege asyrý úshin ınvestorlardy tartý sharalaryn qarastyrýda»,-dedi oblys ákimi.

Onyń sózine qaraǵanda, ındýstrııalandyrý baǵdarlamasy boıynsha oblysta shetel ınvestorlarynyń qatysýymen 3,6 mlrd. AQSh dollary somasyndaǵy 13 jobany iske asyrý josparlanǵan.

Aǵymdaǵy jyly 17 mln. dollar kólemindegi 2 nysandy iske qosý kózdelip otyr.

Belgili bolǵandaı, 2015  jyly shetel ınvestorlarymen 50-ge jýyq kezdesý ótken. Qazirgi kezde 26 ınvestıtsııalyq jobany júzege asyrý turǵysynda áleýetti ınvestorlarmen kelissózder júrip jatyr. Onyń ishinde QHR-men ekonomıkalyq yntymaqtastyqty jandandyrý aıasynda qytaılyq kompanııalardyń qatysýymen 14 ınvestıtsııalyq jobany iske asyrý múmkindigi qarastyrylýda. Jobalardyń jalpy quny 4 170,4 mln. dollardy qurap otyr.