Jambyl oblysynyń 54 jastaǵy turǵynynan iri kólemde esirtki tárkilendi

TARAZ. QazAqparat – Jambyl oblysynda kólik polıtseıleri esirtkiniń iri partııasyn tárkiledi, - dep habarlaıdy QazAqparat tilshisi.

Shý stantsııasynda kólik polıtsııasy qyzmetkerleri «Qarasora – 2021» jedel aldyn alý is-sharasyn júrgizý barysynda Jambyl oblysynyń 54 jastaǵy turǵynyn ustady. Er adamnan 26,5 keli «marıhýana» esirtkisi tárkilendi.

Anyqtalǵan esirtki partııasy óte úlken mólsherge jatady. Ustalǵan adam «Esirtki quraldaryn, psıhotroptyq zattardy ótkizý maqsatynsyz asa iri mólsherde zańsyz saqtaý» baby boıynsha jaýapqa tartylady. Kúdikti qamaýǵa alyndy.

«Jyl basynan beri Kóliktegi polıtsııa departamentiniń qyzmetkerleri esirtki zattarynyń zańsyz aınalymyna baılanysty 331 qylmystyq quqyq buzýshylyqty anyqtady. Zańsyz aınalymnan 158 keliden astam túrli esirtki quraldaryn tárkiledi»,-delingen vedomstvo habarlamasynda.